မန်ရှီကို သွားလည်ပြီးနောက်တစ်ရက် ဇွန်လ ၆ ရက်နေ့ကြတော့ မူစယ်ကနေ လားရှိုးကို ဆင်းခဲ့တယ်။ သိန္နီမြို့ မရောက်ခင် မန်ပိန်းရွာမှာ ထမင်းစားလိုက်တယ်။ သိန္နီရောက်တော့ မြို့မြောက်ဘက် တောင်ပေါ်က သဗ္ဗညုစုမ့်မိန်းစေတီပေါ်တက်မယ် စိတ်ကူးနဲ့ မိတ်ဆွေတစ်ယောက်အိမ်ကို အရင်ဝင်လိုက်တယ်။ မိုးရာသီဆိုတော့ တောင်ပေါ်တက်တဲ့ လမ်းကောင်းမကောင်း စုံစမ်းရအောင်ပေါ့။ သူတို့အိမ်ရောက်တော့ တောင်ပေါ်ကို ကားနဲ့တက်ဖို့ အဆင်မပြေဘူးလို့ သိရတယ်။ အဲဒီနဲ့ မတက်ဖြစ်တော့ဘူး။ ဒါမေမယ့် သူ့ဆီက သတင်းထူးကြားရတယ်။ သိန္နီတောင်ဘက်က ကျောင်းခမ်းရွာမှာ ရှေးဟောင်းစေတီနှစ်ဆူ တူးမိတယ်လို့သိရတယ်။ သူရိုက်ယူလာတဲ့ ဓာတ်ပုံတွေကို ထုတ်ပြတယ်။ ကျွန်တော်လည်း Notebook ထဲကူးထားလိုက်တယ်။ သူ့ကို နေရာအသေအချာ မေးပြီး ကိုယ့်ဘာသာထွက်လာခဲ့တယ်။ ကျောင်းခမ်း ဆိုတာ သိန္နီမြို့တောင်ဘက်မှာရှိတယ်။ ရှေးက စော်ဘွားတွေ နန်းစိုက်ခဲ့ဘူးတဲ့ နေရာ။...
Read more »
